نظم – بھید – ضیا کاوش
حال احوال
ضیا کاوش کا اصل نام ضیا الحسن ہے۔ وہ جہلم کی تحصیل دینہ سے تعلق رکھتے ہیں۔ اردو زبان و ادب میں بی ایس کی ڈگری بین الاقوامی اسلامی یونیورسٹی سے حاصل کی۔ عہدِ طفلی میں بچوں کے رسالے “تعلیم و تربیت” کے توسط سے کتابوں کی طرف رجحان ہوا. ساتویں جماعت سے لکھنا شروع کیا مگر باقاعدہ لکھنے کا آغاز انٹرمیڈیٹ کے بعد کیا. شروعات غزل سے کی مگر بعد میں رجحان نظم کی طرف ہو گیا۔
Ilmu علموبابا
بھید
رات کی تاریکیوں میں جھلملاتے نور برساتے ستارو
(تم جو اب معدومیت کی انتہا سے بھی پرے ہو)
نیند تو اک دوسری دنیا کی جانب کا سفر ہے
دوسری دنیا کی تاریکی میں خود کو کھوجتا ہوں
ایک لمحے میں یہ صدیوں کا سفر
نیند کے رستے پہ دروازے ہیں دو
ایک دروازہ مقفل، اک کھلا
روز میں اس راستے سے ان گنت صدیوں کو چھو کر لوٹتا ہوں
لوٹتا ہوں روز واپس شہرِ نا پرساں کی جانب
رات کی تاریکیوں میں جھلملاتے، نور برساتے ستارو!
رات کی گھنگور تاریکی میں بھی اک بھید ہے
صبح دم ہوتا ہے روشن شرق کی جانب سے تارہ
روشنی کی نرم چادر اوڑھ کر سوتی ہے رات
روشنی اور رات کا رشتہ پُرانا
ایک نقطہ جو زمانوں پر محیط
دو زمانے
اک مقفل ، اک کھلا
بیچ میں ہے نیند کا اک راستہ
میرے آگے ہیں اندیشے اور پیچھے یاد کے بجھتے دیئے
روز ایسے کھیل میں کٹتی ہے رات
اک قدم آگے بڑھاتا ہوں مگر۔۔۔۔۔
ان گنت خطرات میں لپٹا ہوا
او ستارو!
راستہ بھٹکے ہوٶں کو راہ دکھلاتے ہو تم
یاد کے بجھتے دیئے آنکھوں میں لے کر
خوف اور حیرت میں لپٹا
ہوں کھڑا میں اک مقفل در کے پاس
نیند کے ابدی سکوں کا منتظر
بھید کو پانے میں کوشاں
ضیاء کاوش
BHEID
Raat ki tareekiyoñ meiñ Jhilmilatay noor barsatay sitaro
(tum jo ab madoomiyat ki antiha sy bhi pery ho)
neend to ik doosri dunya ki janib ka safar hai
doosri dunya ki tareeki meiñ khud ko khoojta hooñ
aik lamhay meiñ ye sadyoñ ka safar
neend ky rastay py darwazay haiñ do
aik darwaza muqafal ik khula
roz meiñ is rastay sy un ginat sadiyoñ ko choo kr lott’ta hooñ
lott’ta hooñ roz wapas sher-e-napursañ ki janib
Raat ki tareekiyoñ meiñ jhilmilatay noor barsatay sitaro!
raat ki ghanghor tareeki meiñ bhi ik BHEID hai
Sub’h dum hota hai roshan sharq ki janib sy tara
Roshni kin arm chadar aorr’h kr soti hai raat
Roshni aur raat ka rishta purana
aik nuqta jo zamanoñ pr muheet
Do zamanay
ik muqafal ik khula
beech meiñ hai neend ka ik rasta
Meray aagay haiñ andyshay aur peechay yaad ky bujhtay diyey
raz aisy khail meiñ katt’ti hai raat
Ik qadam aagay barr’hata hooñ magar
un-ginat khatraat meiñ lip’tta hua
Oo sitaro!
raasta bhatt’kay hoo’woñ ko raah dikhlatay ho tum
yaad ky bujhtay diyey aankhoñ meiñ ly kr
khauf aur herat min liptta
hooñ kharra meiñ ik muqafal dr ky pas
neend ky abdi sakooñ ka muntazir
BHEID ko paanay meiñ koshañ
(Zia Kawish)
We offer you our services to Teach and Learn Languages, Literatures and Translate. (Urdu, English, Bahasa Indonesia, Hangul, Punjabi, Pashto, Persian, Arabic)
اس آرٹیکل کو بہتر بنانے میں ہماری مدد کریں
اگر آپ کو اس آرٹیکل میں کوئی غلطی نظر آ رہی ہے۔ تو درست اور قابلِ اعتبار معلومات کی فراہمی میں ہماری مدد کریں۔ ہم درست معلومات کی ترسیل کے لیے سخت محنت کرتے ہیں ۔
اگر آپ بھی ہمارے ساتھ معلومات کا تبادلہ کرنا چاہتے ہیں تو ہماری اس کمیونٹی میں شامل ہو کر معلومات کے سلسلے کو بڑھانے میں ہماری مدد کریں۔