غزل – زمان اور مکاں سے پرے گزرتے ہوئے – روح اللہ عاصی
حال احوال
روح اللہ عاصیؔ کا تعلق کوئٹہ کی ہزارہ برادری سے ہے۔ ان کا تعلق 2010 تا 2020 میں جلوہ گر ہونے والے نوجوان ہزارہ شعرا کی کھیپ سے ہے۔ وہ کوئٹہ کے صاحب طرز نوجوان شاعروں میں سے ایک ہیں۔کوئٹہ سے تعلیم حاصل کرنے کے بعد اردو زبان و ادب میں گریجویشن کرنے اسلام آباد کا رخ کیا۔ اور یہیں کی ادبی مھافل اور نشستوں میں اکثر شریک نظر آتے ہیں۔ مزید معلومات کے لیے ملاحظہ فرمائیے۔ Ilmu علموبابا
زمان اور مکاں سے پرے گزرتے ہوئے
میں آ رہا ہوں تمہاری طرف سنورتے ہوئے
کسی کے ہاتھ میں پتھر کسی کے آئینہ
یہ لوگ رختِ سفر باندھتے ہیں مرتے ہوئے
تمہاری یاد کا عالم بھی ہے ہجوم بھی ہے
میں نام لے تو رہا ہوں تمہارا ڈرتے ہوئے
زمانے تیرے ستم سے نہ بچ سکا کوئی
لرز رہا ہے لبِ یار بات کرتے ہوئے
دکھائی دیں گے تماشائی میرے زخموں کے
کریدتے ہوئے کوئی تو کوئی بھرتے ہوئے
نکل گیا ہوں بہت دور اپنی ذات سے میں
اسے سمیٹ رہا ہوں میں خود بکھرتے ہوئے
ہوا بھی ساتھ چلی ہے یہ اتفاق نہیں
ہوا جو عزمِ بلندی اڑان بھرتے ہوئے
سکوتِ دشت کی جانب بلا رہا ہے مجھے
گلابِ آگہی عاصی بہت نکھرتے ہوئے
روح اللہ عاصی
Zaman aur makañ sy arey guzartay huey
Meiñ aa raha hooñ tumhari taraf sañwartay huey
Kisi ky haath meiñ pathar kisi ky aaina
Ye log rakht-e-safar bandhtay haiñ martay huey
Tumhari yaad ka aalam bhi hai hajoom bhi hai
Meiñ naam ly to raha hooñ tumhara murtey huey
Zamana tery sitam sy na buch saka koi
Laraz raha hai lub-e-yaar baat kartay huey
Dikhai deiñ gey tamashai merey zakhmoñ ky
Kureid’tay huey koi to koi bhartay huey
Nikal gya hooñ bohot door apni zaat sy meiñ
Usy sameit raha hooñ meiñ khood bikhartay huey
Hawa bhi saath chali hai ye atefaaq nahi
Hua jo azm-e-balandi, Urraan bhartay huey
Sakoot-e-Dasht ki janib bula raha hai mujhy
Gulab-e-Agahi AASI bohot nikhartay huey
Rooh Ullah Aasi
We offer you our services to Teach and Learn Languages, Literatures and Translate. (Urdu, English, Bahasa Indonesia, Hangul, Punjabi, Pashto, Persian, Arabic)
اس آرٹیکل کو بہتر بنانے میں ہماری مدد کریں
اگر آپ کو اس آرٹیکل میں کوئی غلطی نظر آ رہی ہے۔ تو درست اور قابلِ اعتبار معلومات کی فراہمی میں ہماری مدد کریں۔ ہم درست معلومات کی ترسیل کے لیے سخت محنت کرتے ہیں ۔
اگر آپ بھی ہمارے ساتھ معلومات کا تبادلہ کرنا چاہتے ہیں تو ہماری اس کمیونٹی میں شامل ہو کر معلومات کے سلسلے کو بڑھانے میں ہماری مدد کریں۔