غزل -کیا مجھ عشق نے ظالم کوں آب آہستہ آہستہ – ولی دکنی
ولی دکنی کا تعارف
اردو غزل کا باوا آدم ، ولی اردو غزل کا پہلا صاحب طرز شاعر مانا جاتا ہے ، جس نے شمالی ہند کے فارسی اور جنوبی ہند کے مقامی تہذیبی شعور کو امتزاج دے کر ، اردو زبان کو ادب کو نئی راہ دکھائی۔ ولی کی غزل میں نہ صرف اردو کی تین سو سالہ دکنی روایت جذب ہو گئی بلکہ فارسی شاعری کا اسلوب اور آہنگ بھی ایک نئے انداز میں جلوہ گر ہوا۔ ولی دکنی اردو کا وہ پہلا شاعر ہے جس نے غزل کے جملہ امکانات کا مکمل جائزہ لیا اور غزل کو موضوع، زبان، اندازِ بیان اور ہئیت کے لحاظ سے مکمل روایت بخشی۔ مزید جاننے کے لیے ملاحظہ فرمائیے ہماری ویب سائٹ Ilmu علموبابا
کیا مجھ عشق نے ظالم کوں آب آہستہ آہستہ
کہ آتش گل کوں کرتی ہے گلاب آہستہ آہستہ
وفاداری نے دل بر کی بجھایا آتش غم کوں
کہ گرمی دفع کرتا ہے گلاب آہستہ آہستہ
عجب کچھ لطف رکھتا ہے شب خلوت میں گل رو سوں
خطاب آہستہ آہستہ جواب آہستہ آہستہ
مرے دل کوں کیا بے خود تری انکھیاں نے آخر کوں
کہ جیوں بے ہوش کرتی ہے شراب آہستہ آہستہ
ہوا تجھ عشق سوں اے آتشیں رو دل مرا پانی
کہ جیوں گلتا ہے آتش سوں گلاب آہستہ آہستہ
ادا و ناز سوں آتا ہے وو روشن جبیں گھر سوں
کہ جیوں مشرق سوں نکلے آفتاب آہستہ آہستہ
ولیؔ مجھ دل میں آتا ہے خیال یار بے پروا
کہ جیوں انکھیاں منیں آتا ہے خواب آہستہ آہستہ
ولی دکنی
Kia mujh ishq ny zalim kooñ aab ahista ahista
Ky aatish gul kooñ karti hai gulab ahista ahista
Wafa dari ny dil br ki bujhaya aatish-e-gham kooñ
Ky garmi dafa’a karta hai gulab ahista ahista
Ajab kuch lutf rakhta hai shab-e-khilwat meiñ gul roo soon
Khitab ahista ahista Jawab ahista ahista
Mery dil kooñ kiya bey khood teri añkhiyaañ ny aakhir kooñ
Ky jiyooñ bey hosh krti hai sharab ahista ahista
Hua tujh ishq soon aey aatisheeñ roo dil mera pani
Ky jiyooñ galta hai aatish soon gulab ahista ahista
Ada-o-naaz soon aata hai wo roshan jabeen ghar soon
Ky jiyooñ mashriq soon niklay aaftab ahista ahista
Wali mujh dil meiñ aata hai khayal-e-yaar-e-bey parwah
Ky jiyooñ añkhiyaañ maneiñ aata hai khwaab aahista ahista
Wali Dakani
We offer you our services to Teach and Learn Languages, Literatures and Translate. (Urdu, English, Bahasa Indonesia, Hangul, Punjabi, Pashto, Persian, Arabic)
اس آرٹیکل کو بہتر بنانے میں ہماری مدد کریں
اگر آپ کو اس آرٹیکل میں کوئی غلطی نظر آ رہی ہے۔ تو درست اور قابلِ اعتبار معلومات کی فراہمی میں ہماری مدد کریں۔ ہم درست معلومات کی ترسیل کے لیے سخت محنت کرتے ہیں ۔
اگر آپ بھی ہمارے ساتھ معلومات کا تبادلہ کرنا چاہتے ہیں تو ہماری اس کمیونٹی میں شامل ہو کر معلومات کے سلسلے کو بڑھانے میں ہماری مدد کریں۔