نظم – تر دامنی – اسامہ جمشید
حال احوال
سیالکوٹ سے تعلق رکھنے والے اسامہ جمشید ، 1984 میں اردن میں پیدا ہوئے۔ طویل عرصے سے راولپنڈی اسلام آباد میں سکونت پذیر ہیں۔ اردو، انگریزی، عربی زبانوں کے مترجم ہونے کے ساتھ ساتھ صحافت سے بھی تعلق رکھتے ہیں۔ پیشہ ورانہ زندگی میں مختلف اداروں سے وابستہ رہے۔ کئی ملکی و غیر ملکی مجلات اور ادبی تنظیموں کے رکن ہونے کے ساتھ ساتھ ایک مکمل لکھاری بھی ہیں۔ عربی لکھاری کے طور پر بھی کام کرتے رہے ہیں۔ تدریس، کتابیں، بچوں کا ادب، تعلقات عامہ، تنظیمی امور، آئی ٹی، فلاحی کام، تحریک، تصوف، شاعری، درون وبیرون ملک سفر، مصوری، کھیل اور آرٹ ورک کی طرف جھکاؤ رکھتے ہیں۔ مزید جاننے کے لیے ہماری ویب سائٹ ۔ اس آرٹیکل میں ان کی نظم تر دامنی ملاھظہ فرمائیں۔ (نظم – تر دامنی – اسامہ جمشید)۔Ilmu علموباباملاحظہ کیجے۔
نظم -تر دامنی
ایک تلخی خوشی دے رہی تھی وہ پکڑی گئی
میرے حالات قاضی بنے اک عدالت لگی
میری آنکھوں نے چاہا بچانا تجھے
جرم ثابت ہوا حد سنا دی گئی
تیری تصویر دل میں دبا دی گئی
میرے کم سن پیا میں نے دھوکا دیا
اور پھر استغاثہ کیا
سب سے اونچی عدالت میں راتوں کو حاضر ہوا
ایک خوشبو کی دوکان میرے مسائل کا حل تھی
سو میں پھر معطّر رہا
خوب دل تھا کہ جس کے تقدس کے صدقے میں جاں جاگتی رہ گئی
منصفی ہوش میں ناچتی رہ گئی
اس کی پائل کو کوئی بھی خدشہ نہ تھا
یہ کتھا کون سمجھے مگر
کچھ سیانے سرابوں سے قطعا بیوپار کرنے کے حامی نہ تھے
پر معمّہ سلجھنے سے قاصر رہا
مدعا درد ہے
چارہ گر! میں نے پلّو چھڑایا نہیں
میں دعاؤں میں افراط وتفریط کرتے ہوئے
اس جگہ آگیا ہوں جہاں پر سوائے محبّت کے کچھ بھی نہیں
قیس ہے کوئی جو یہ کلیجہ پڑھے یہ قضیّہ سنے؟
ہاں سنو خوبرو دلربا طالبہ
بات بازی کے فن پر بڑی دسترس ہے تمہیں
تم سیہ کوٹ پہنے عدالت کو جایا کرو
اس وطن میں غریبوں کے کیسوں کی بہتات ہے
اسامہ جمشید
Nazm – Tar Damani – Usama Jamshed
Aik talkhi khusi dy rhi thi who pakrri gai
Merey halaat qazi baney ik Adalat lagi
Meri aankhoñ ny chah bachana tujhey
Jurm tsabit hua Hud suna di gai
Teri tasveer dil meiñ daba di gai
Merey kum sin piya meiñ ny dhoka diya
Aur phir istighatsa kiya
Sub sy oonchi Adalat meiñraatoñ ko hazir hua
Aik Khushboo ki dokaan merey masail ka hul thi
So meiñ phir muat’tar raha
Khoob dil tha ky jis ky taqad’dus ky sadqay miN jaañ jagti reh gai
Munsafi hosh meiñ nachti reh gai
Us ki payal ko koi bhi khadsha na tha
Ye katha kon samjhay magar
Kuch siyanay saraboñ sy qata’a beyopaar krnay ky haami na thy
Pur muam’ma sulajhnay sy qasir raha
Muda’aa dard hai
Charah gar ! meiñ ny pal’lu churraya nahi
Meiñ dua’oñ meiñ afraat o tafreet krtay huey
Us jagah aa gya hooñ jahañ par siwaey mahabbat ky kuch bhi nhi
QAIS hai koi jo ye kaleja parhay ye qaziya sunay
Haan suno khoobroo dil ruba taliba
Baat baazi ky fun pur barri dastarus hai tumhein
Tum siyah kot pehnay Adalat ko jaya karo
Is watan meiñ Ghareeboñ ky kesooñ ki bahtat hai
(Usama Jamshed)
We offer you our services to Teach and Learn Languages, Literatures and Translate. (Urdu, English, Bahasa Indonesia, Hangul, Punjabi, Pashto, Persian, Arabic)
اس آرٹیکل کو بہتر بنانے میں ہماری مدد کریں
اگر آپ کو اس آرٹیکل میں کوئی غلطی نظر آ رہی ہے۔ تو درست اور قابلِ اعتبار معلومات کی فراہمی میں ہماری مدد کریں۔ ہم درست معلومات کی ترسیل کے لیے سخت محنت کرتے ہیں ۔
اگر آپ بھی ہمارے ساتھ معلومات کا تبادلہ کرنا چاہتے ہیں تو ہماری اس کمیونٹی میں شامل ہو کر معلومات کے سلسلے کو بڑھانے میں ہماری مدد کریں۔