آمد صبح مرثیہ میر انیس Amad-e-Subh Marsiya Mir Anees

آمد صبح مرثیہ میر انیس Amad-e-Subh Marsiya Mir Anees

اردو ادب میں مرثیہ نگاری ایک نہایت اہم اور مؤثر صنفِ سخن ہے جس میں واقعۂ کربلا کے المناک واقعات، اہلِ بیتؑ کی عظیم قربانیاں اور انسانی جذبات کی گہرائی کو نہایت درد انگیز انداز میں بیان کیا جاتا ہے۔ اس صنف کو عروج تک پہنچانے میں جن شعراء کا کردار نمایاں ہے، ان میں میر انیس کا نام سرِ فہرست آتا ہے۔ میر انیس نے اپنے منفرد اسلوب، جاندار منظر نگاری اور دل میں اتر جانے والے اندازِ بیان کے ذریعے مرثیے کو ایک بلند ادبی مقام عطا کیا۔
اس پوسٹ میں میر انیس کے اسی مشہور مرثیے “آمدِ صبح” کا مکمل اردو متن اور میں پیش کیا جا رہا ہے تاکہ طلبہ، اساتذہ اور ادب سے دلچسپی رکھنے والے افراد اسے آسانی سے پڑھ سکیں۔ یہ پیشکش نہ صرف مطالعے میں سہولت فراہم کرے گی بلکہ اردو شاعری کے حسن کو سمجھنے میں بھی مددگار ثابت ہوگی۔
مزید معلومات کے لیے ہماری ویب سائٹ علمو ملاحظہ کیجیے۔
(آمد صبح مرثیہ میر انیس Amad-e-Subh Marsiya Mir Anees)

آمد صبح مرثیہ میر انیس

بند 1۔

پھولا شفق سے چرخ پہ جب لالہ زارِ صبح
گل زارِ شب خزاں ہوا، آئی بہارِ صبح
کرنے لگا فلک زرِ انجم نثارِ صبح
سر گرمِ ذکرِ حق ہوئے طاعت گزارِ صبح
تھا چرخِ اخضری پہ یہ رنگ آفتاب کا
کھِلتا ہے جیسے پھول چمن میں گلاب کا

بند 2۔

چلنا وہ بادِ صبح کے، جھونکوں کا دم بہ دم
مرغانِ باغ کی وہ خوش الحانیاں بہم
وہ آب و تابِ نہر، وہ موجوں کا پیچ و خم
سردی ہوا میں پر نہ زیادہ بہت نہ کم
کھا کھا کے اوس اور بھی سبزہ ہرا ہوا
تھا موتیوں سے دامنِ صحرا بھرا ہوا

بند 3۔

وہ نورِ صبح ، اور وہ صحرا ، وہ سبزہ زار
تھے طائروں کے غول درختوں پہ بے شمار
چلنا نسیم صبح کا رہ رہ کے بے شمار
کُو کُو وہ قمریوں کی وہ طاؤس کی پُکار
وا تھے دریچے باغِ بہشتِ نسیم کے
ہر سُو رواں تھے دشت میں جھونکے نسیم کے

بند 4۔

آمد وہ آفتاب کی وہ صبح کا سماں
تھا جس کی ضو سے وجد میں طاؤس ِ آسماں
ذروں کی روشنی پہ ستاروں کا تھا گماں
نہرِ فرات بیچ میں تھی مثلِ کہکشاں
ہر نخل پر ضیائے سرِ کوہِ طور تھی
گویا فلک سے بارشِ بارانِ نور تھی

بند 5۔

اوجِ زمیں سے پست تھا، چرخِ زبر جدی
کوسوں تھا سبزہ زار سے، صحرا زمردی
ہر خشک و تر پہ تھا ، کرمِ بحرِ سرمدی
بے آب تھے مگر دُرِ دریائے احمدیؐ
روکے ہوئے تھی، نہر کو اُمت رسولؐ کی
سبزہ ہرا تھا، خشک تھی کھیتی بتولؑ کی

بند 6۔

وہ پھولنا شفق کا وہ مینائے لاجورد
مخمل سی وہ گیاہ، وہ گل سبز و سُرخ و زرد
رکھتی تھی پھونک کر قدم اپنا ہوائے سرد
یہ خوف تھا کہ دامنِ گُل پر پڑے نہ زرد
دھوتا تھا دل کے داغ چمن لالہ زار کا
سردی جگر کو دیتا تھا سبزہ کچھار کا

بند 7۔

تھا بس کہ روزِ قتل ِ شہِ آسماں جنابؑ
نکلا تھا خوں ملے ہوئے چہرے پہ آفتاب
تھی نہرِ علقمہ بھی خجالت سے آب آب
روتا تھا پُھوٹ پُھوٹ کے دریا میں ہر حباب
پیاسی تھی سپاہِ خدا تین رات کی
ساحل سے سر پٹکتی تھیں موجیں فرات کی

(کلیات میر انیس)

مزید معلومات کے لیے ہماری ویب سائٹ علمو ملاحظہ کیجیے۔
(آمد صبح مرثیہ میر انیس Amad-e-Subh Marsiya Mir Anees)
ذیل میں میر انیس کا مرثیہ رومن اردو میں دیا گیا ہے۔

Amad-e-Subh Marsiya Mir Anees

Band 1.

Phoola shafaq se charkh pe jab laalah zaar-e-subh
Gulzaar-e-shab khizaan hua, aayi bahaar-e-subh
Karne laga falak zar-e-anjum nisaar-e-subh
Sar-garm-e-zikr-e-haq huay taa‘at guzaar-e-subh
Tha charkh-e-akhzari pe yeh rang aaftaab ka
Khilta hai jaise phool chaman mein gulaab ka

Band 2.

Chalna woh baad-e-subh ke, jhonkon ka dam ba dam
Marghaan-e-baagh ki woh khush-alhaaniyan baham
Woh aab-o-taab-e-nehr, woh maujon ka paich-o-kham
Sardi hawa mein par na zyada bahut na kam
Kha kha ke os aur bhi sabza hara hua
Tha motiyon se daaman-e-sahra bhara hua

Band 3.

Woh noor-e-subh, aur woh sahra, woh sabza zaar
Thay tairon ke ghoul darakhton pe be-shumaar
Chalna naseem-e-subh ka reh reh ke be-shumaar
Koo koo woh qumriyon ki woh taoos ki pukaar
Waa thay dareeche baagh-e-bahisht-e-naseem ke
Har soo rawaan thay dasht mein jhonke naseem ke

Band 4.

Aamad woh aaftaab ki woh subh ka samaan
Tha jis ki zia se wajd mein taoos-e-aasmaan
Zarron ki roshni pe sitaron ka tha gumaan
Nehr-e-Furaat beech mein thi misl-e-kahkashaan
Har nakhl par zia-e-sar-e-kooh-e-toor thi
Goya falak se baarish-e-baraan-e-noor thi

Band 5.

Ouj-e-zameen se past tha, charkh-e-zabar jadi
Koson tha sabza zaar se, sahra zamurradi
Har khushk-o-tar pe tha, karam-e-bahr-e-sarmadi
Be-aab thay magar durr-e-darya-e-Ahmadi
Rokay huay thi nehr ko ummat Rasool ki
Sabza hara tha, khushk thi kheti Batool ki

Band 6.

Woh phoolna shafaq ka woh meena-e-laajward
Makhmal si woh gayaah, woh gul sabz o surkh o zard
Rakhti thi phoonk kar qadam apna hawa-e-sard
Yeh khauf tha ke daaman-e-gul par pare na zard
Dhota tha dil ke daagh chaman laalah zaar ka
Sardi jigar ko deta tha sabza kuchaar ka

Band 7.

Tha bas ke roz-e-qatl-e-shah-e-aasmaan janaabؑ
Nikla tha khoon mile huay chehre pe aaftaab
Thi nehr-e-Alqama bhi khijalat se aab aab
Rota tha phoot phoot ke darya mein har hubab
Pyaasi thi sipah-e-Khuda teen raat ki
Saahil se sar patakti thin maujen Furaat ki

(Kuliyat-e-Mir Anees)

مرثیہ “آمدِ صبح” بھی میر انیس کی اسی فنی مہارت کا شاہکار ہے، جس میں صبح کے دلکش مناظر، فطرت کی خوبصورتی اور ماحول کی لطافت کو نہایت خوبصورت پیرائے میں پیش کیا گیا ہے۔ لیکن اس ظاہری حسن کے پس منظر میں کربلا کا وہ دل خراش منظر بھی پوشیدہ ہے جو آگے چل کر ایک عظیم سانحے کی صورت اختیار کرتا ہے۔ شاعر نے صبح کی تازگی، ٹھنڈی ہوا، چمکتے ہوئے ذرات اور بہتی ہوئی نہر کے مناظر کو اس مہارت سے بیان کیا ہے کہ قاری خود کو اس ماحول میں موجود محسوس کرنے لگتا ہے۔
اس پوسٹ میں میر انیس کے اسی مشہور مرثیے “آمدِ صبح” کا مکمل اردو متن اور میں پیش کیا جا رہا ہے تاکہ طلبہ، اساتذہ اور ادب سے دلچسپی رکھنے والے افراد اسے آسانی سے پڑھ سکیں۔ یہ پیشکش نہ صرف مطالعے میں سہولت فراہم کرے گی بلکہ اردو شاعری کے حسن کو سمجھنے میں بھی مددگار ثابت ہوگی۔
مزید معلومات کے لیے ہماری ویب سائٹ علمو ملاحظہ کیجیے۔ (آمد صبح مرثیہ میر انیس Amad-e-Subh Marsiya Mir Anees)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

We offer you our services to Teach and Learn Languages, Literatures and Translate. (Urdu, English, Bahasa Indonesia, Hangul, Punjabi, Pashto, Persian, Arabic)

اس آرٹیکل کو بہتر بنانے میں ہماری مدد کریں

اگر آپ کو اس آرٹیکل میں کوئی غلطی نظر آ رہی ہے۔  تو درست اور قابلِ اعتبار معلومات کی فراہمی میں ہماری مدد کریں۔ ہم درست معلومات کی ترسیل کے لیے سخت محنت کرتے ہیں ۔ (علمو) اگر آپ بھی ہمارے ساتھ معلومات کا تبادلہ کرنا چاہتے ہیں تو ہماری اس کمیونٹی میں شامل ہو کر  معلومات کے سلسلے کو بڑھانے میں ہماری مدد کریں۔

ہمارے فیس بک ، وٹس ایپ ، ٹویٹر، اور ویب پیج کو فالو کریں، اور نئی آنے والی تحریروں اور لکھاریوں کی کاوشوں  سے متعلق آگاہ رہیں۔

Follow us on

• Facebook
• WhatsApp Group
• Ilmu علمو